ΠΡΟΣ ΤΙΜΟΘΕΟΝ Β΄ 4:16-22

SBL Greek New Testament

¹⁶ Ἐν τῇ πρώτῃ μου ἀπολογίᾳ οὐδείς μοι ^[a]παρεγένετο, ἀλλὰ πάντες με ^[b]ἐγκατέλιπον— μὴ αὐτοῖς λογισθείη— ¹⁷ ὁ δὲ κύριός μοι παρέστη καὶ ἐνεδυνάμωσέν με, ἵνα δι’ ἐμοῦ τὸ κήρυγμα πληροφορηθῇ καὶ ^[c]ἀκούσωσιν πάντα τὰ ἔθνη, καὶ ἐρρύσθην ἐκ στόματος λέοντος. ^18 [d]ῥύσεταί με ὁ κύριος ἀπὸ παντὸς ἔργου πονηροῦ καὶ σώσει εἰς τὴν βασιλείαν αὐτοῦ τὴν ἐπουράνιον· ᾧ ἡ δόξα εἰς τοὺς αἰῶνας τῶν αἰώνων, ἀμήν.

¹⁹ Ἄσπασαι Πρίσκαν καὶ Ἀκύλαν καὶ τὸν Ὀνησιφόρου οἶκον. ²⁰ Ἔραστος ἔμεινεν ἐν Κορίνθῳ, Τρόφιμον δὲ ^[e]ἀπέλιπον ἐν Μιλήτῳ ἀσθενοῦντα. ²¹ Σπούδασον πρὸ χειμῶνος ἐλθεῖν. Ἀσπάζεταί σε Εὔβουλος καὶ Πούδης καὶ Λίνος καὶ Κλαυδία καὶ οἱ ἀδελφοὶ πάντες.

²² Ὁ ^[f]κύριος μετὰ τοῦ πνεύματός σου. ἡ χάρις μεθ’ ^[g]ὑμῶν.